(قسوه الاهل )
شربت المر. من كاسى
ما بين اهلى وبين ناسى
وياما فى الدنيا وبآسى
وماحدش ليه بيواسى
راعيت كتير مشاعرهم
كنت الطبيب وشاعرهم
فى كل شيء بشاورهم
وبعذرهم فى مشاغلهم
لقيتهم .اقوى من غيرهم
وماتت حتى ضمايرهم
بقيت بلعن فى ايامهم
وأقول يمكن يعود خيرهم
وبدعى. الله باخلااااصى
ضحيت كتير علشانهم
ورفعت ياما من شانهم
كنت الحمايه وأمانهم
ولما ببص فى عيونهم
بحس كأنى مش منهم
و ياماجرحوا إحساسى
طب ليه كده انا منكم
وعارف كل خصايلكم
ولا عليا فى يوم هنتم
دا مهما كانت عمايلكم
عمرى ليكم ماكون ناسى
بمشى ورا خطاويكم
وبسمع كل حكاويكم
واكون قمر ف لياليكم
وكنت بروحى بفديكم
واكتم حزنى بانفاسى
انا ماهزعلش يوم منهم
عشان واجبى اعلمهم
ولو قطعونى هوصلهم
ماهم اهلى وانا منهم
واهلى تملى على راسى
Aucun commentaire:
Enregistrer un commentaire